GHSS, KODAKARA

മനസ്സ് നന്നാവട്ടെ, അവയവദാനം എന്ന പുണ്യപ്രവർത്തിയെ ജനങ്ങളിലേക്ക് എത്തിക്കാൻ NSS ആരംഭിച്ച പുനർജ്ജനി പദ്ധതിയുടെ ഭാഗമായി കൊടകരയിലെ NSS വോളണ്ടിയർമാർ അവയവദാന സമ്മതപത്രം വിദ്യാർത്ഥികൾക്കിടയിലും സമൂഹത്തിലും വിതരണം ചെയ്യുകയും അത് ശേഖരിച്ച് ഓഗസ്റ്റ് 31- ) o തിയ്യതി അത് സമർപ്പണം നടത്തുകയും ചെയ്തു. പ്രളയത്തിൽ ദുരിതമനുഭവിച്ച ഞങ്ങളുടെ വിദ്യാലയത്തിലെ വിദ്യാർത്ഥികളുടെ കുടുംബങ്ങൾക്ക് ഞങ്ങളെക്കൊണ്ടാകുന്ന സഹായം നൽകുന്നതിന് വേണ്ടി വിദ്യാർത്ഥികൾക്കിടയിൽനിന്ന് സമാഹരിച്ച തുകകൊണ്ട് ദുരിതാശ്വസകിറ്റ് വിതരണം ചെയ്തു. അന്നേ ദിവസം തന്നെ ഒന്നാംവർഷ NSS യൂണിറ്റിന്റെ പ്രവർത്തനോദ്‌ഘാടനവും നടന്നു. പ്രിൻസിപ്പൽ സ്വാഗതം പറഞ്ഞ പരിപാടി ജില്ലാ പഞ്ചായത്ത് സ്റ്റാന്റിംഗ് കമ്മിറ്റി മെമ്പർ കെ ജെ ഡിക്‌സൺ സർ ഉദ്‌ഘാടനം ചെയ്തു .

മനസ്സ് നന്നാവട്ടെ, Not Me But You എന്ന ആപ്തവാക്യം മുറുകെ പിടിച്ചുകൊണ്ട് NSSന്റെ 49-)o  വാർഷികം വിപുലമായ പരിപാടികളോടുകൂടി GHSS കൊടകരയിലെ എല്ലാ NSS വോളണ്ടിയര്മാരും ചേർന്ന് ആഘോഷിച്ചു. ആ ദിവസം സ്പെഷ്യൽ അസംബ്ലി നടത്തുകയും NSS ഫ്ലാഗ് ഉയർത്തുകയും ചെയ്തു. വിദ്യാലയത്തിലെ പ്രിൻസിപ്പാൾ ഉദ്ഘടാനം ചെയ്ത പരിപാടിയിൽ NSS പ്രോഗ്രാം ഓഫീസറും പ്ലസ് ടു NSS ലീഡറും ആശംസകൾ നേർന്നു. തുടർന്ന് വോളണ്ടിയര്മാർക്ക് മധുരം നൽകുകയും ചെയ്തു.

മഹാപ്രളയം കേരളത്തെ ആകെ നടുക്കിയപ്പോൾ ഞങ്ങളുടെ സ്വന്തം കൊടകരയിലും അതിന്റെ ഭാഗമായി വൻ നഷ്ടങ്ങൾ ഉണ്ടായി. ഒട്ടേറെപേർ ദുരിതാശ്വസക്യാമ്പിലായിരുന്നു. ഞങ്ങളുടെ വിദ്യാലയവും കൊടകരയിലെ ദുരിതാശ്വസ ക്യാമ്പുകളിലൊന്നായിരുന്നു. 20, 21, 22, 23 തീയതികളിൽ എല്ലാ NSS വളണ്ടിയർമാരും ക്യാമ്പ് സന്ദർശിക്കുകയും ക്യാമ്പിൽ  സജീവസഹകരണം കാഴ്ചവയ്ക്കുകയും ചെയ്തു. മാത്രമല്ല ദുരിതം അനുഭവിച്ച വീടുകളിൽ പോവുകയും അവിടെ വൃത്തിയാക്കുകയും ചെയ്തു. തുടർന്നുള്ള എല്ലാ സഹായവും NSS വളന്റിയേഴ്‌സ് ചെയ്തുകൊടുത്തു.

പ്രളയത്തിനും ഓണാവധിക്കും ശേഷം തുറക്കുന്ന ദുരിതാശ്വസ ക്യാമ്പ് ആയിരുന്ന ഞങ്ങളുടെ വിദ്യാലയം പഴയ രീതിയിൽ സജീകരിക്കുന്നതിന്റെ ഭാഗമായി ഒരു ദിവസം മുഴുവനായി NSS വോളന്റിയേഴ്‌സ് പ്രവർത്തിച്ചു. വൃത്തിയാക്കുന്നതിന് ഭാഗമായി ക്ലാസ്മുറികളും സ്കൂൾപരിസരവും വോളന്റിയർമാർ മാലിന്യവിമുക്തമാക്കി. എല്ലാ ക്ലാസ്സ്മുറികളും ക്ലോറിനേറ്റ് ചെയ്‌തു. സ്കൂൾ പരിസരത്തെ മാലിന്യങ്ങൾ നിർമാർജ്ജനം ചെയ്തു.

ദുരിതാശ്വസപ്രവർത്തനത്തിന്റെ ഭാഗമായി പ്രളയം ഏറ്റവും കൂടുതൽ ബാധിച്ച പ്രദേശമായ ചാലക്കുടിയിലെ ഒരു വിദ്യാലയമായ SHൽ NSS വളണ്ടിയർമാർ പ്രവർത്തിച്ചു. വളരെ മോശം സ്ഥിതിയിലായിരുന്ന ആ വിദ്യാലയത്തെ പഴയ സ്ഥിതിയിൽ എത്തിച്ചേരുന്നതിനു വേണ്ടി പ്രയത്‌നിച്ചു.

മനസ്സ് നന്നാവട്ടെ, രക്തദാനത്തിന്റെ മഹത്വം മനസ്സിലാക്കികൊണ്ട് കൊടകരയിലെ  NSS യൂണിറ്റ് Indian Medical Association (IMA) ൻറെ  നേതൃത്വത്തിലും കൊടകര HDFC ബാങ്കിന്റെ സംയുക്ത സഹകരണത്തോടെയും വിദ്യാലയത്തിൽ വച്ച് നവംബർ 24 ശനിയാഴ്ച്ച രക്തദാന ക്യാമ്പ്  നടത്തി. നാട്ടുകാരുടെയും NSS വളണ്ടിയര്മാരുടെയും മികച്ച സഹകരണം ക്യാമ്പിനെ വിജയത്തിലേക്ക് എത്തിച്ചു. എങ്കിലും സമയ പരിമിതിയും മറ്റു ബുദ്ധിമുട്ടുകളും മൂലം 39 ബാഗ് ബ്ലഡ് മാത്രമെ ശേഖരിക്കാൻ കഴിഞ്ഞൊള്ളൂ.